Чэшская металічная рэспубліка — Ярамерж (Ёзэфаўская крэпасць — Brutal Assault Festival 2026)

Міхал ІВАНЮК

Статак авечак прабег па вяршыні аднаго з бастыёнаў крэпасці Ёзэфаў у той самы час, калі Вэйдэр граў канцэрт на сцэне Obscure. Я падумаў, што гэта абсурдная сітуацыя: адзін з самых вядомых польскіх дэз-метал гуртоў за сорак гадоў грае на сцэне, а статак авечак скубе сабе мураўку, не зважаючы на музыку Вэйдэра. Але я на хвіліну падумаў пра ўсю сітуацыю і зразумеў, што такая абсурдная падзея магла адбыцца толькі тут, у Чэхіі, краіне абсурду, дзе я зноў апынуўся на некалькі дзён на адным з найбуйнейшых фестываляў метал-музыкі ў гэтай частцы Еўропы — Brutal Assault («Жорсткі напад»)

Апошні кубачак кавы, і мы ў Чэхіі, — падумаў я, седзячы на лаўцы ля апошняй запраўкі ў раёне Слонэ ў Кудове-Здрою. Яшчэ абмяняць грошы на чэшскія кроны, пацягваючы каву, і можам накіравацца глыбей у Кралаградскі край. Перасякаючы польскую і чэшскую мяжу, мы сутыкнуліся з пустымі будынкамі, якія належалі польскім і чэшскім памежнікам, таму ніхто не правяраў нашы дакументы і не пытаўся пра пункт прызначэння. Па той бок мяжы архітэктурная структура нагадвала тую, якую мы пакінулі ў Кудове, толькі тут, па той бок, ляжыць горад Наход, і ўжо адчуваецца гэтая адметная чэшская атмасфера. Ужо сярэдзіна раніцы, і горад кіпіць сваім няспешным жыццём; людзі на працы ці ў справах, шпацыруюць, робяць пакупкі, а першыя наведвальнікі пабаў наведваюць свае любімыя месцы, (...)