Бурная размова — сустрэча з Паўлам Латушкам і рухам «За свабоду»

Міхал ІВАНЮК

Мы павінны разумець, што рэжым змагаецца з намі, бо ведае, што мы — альтэрнатыва, і калі ён нас знішчыць, у яго будзе вольны шлях, бо калі гэта не будзе нас, ніхто не абароніць беларускія інтарэсы.

У рамках перадвыбарчай кампаніі 4-га тэрміну Каардынацыйнай рады, якая запланавана на 11-17 мая, Павел Латушка, намеснік старшыні Аб’яднанага часовага кабінета міністраў Беларусі і лідар фракцыі кааліцыі Латушкі і руху «За свабоду», былы міністр культуры і даўні дыпламат Рэспублікі Беларусь, прыняў удзел у пасяджэнні 8 мая ў беластоцкім хабе «Новая зямля». Падчас пятнічнай сустрэчы яго суправаджалі прадстаўнікі руху «За свабоду», у тым ліку Алесь Міхалевіч, Юрый Губарэвіч, Арцём Брухан, Аляксандра Ханевіч, Юлія Камінская і Ірына Халопіца. Мэта сустрэчы — прадставіць аўдыторыі і патэнцыйным выбаршчыкам ідэі і планы руху «За свабоду», якія ён мае намер рэалізаваць на працягу будучага тэрміну паўнамоцтваў Каардынацыйнай рады, а таксама пачуць галасы беларусаў з Беласточчыны, іх патрэбы і прапановы адносна працы рады. З самага пачатку сустрэчы і да яе апошніх хвілін панавала гарачая, амаль мітынгавая атмасфера. Было шмат моцных слоў, нараканняў і абвінавачванняў, якія вынікалі з незадаволенасці і расчаравання людзей працай Каардынацыйнай рады і Аб’яднанага пераходнага кабінета за апошнія некалькі тэрмінаў. Але хіба не ў гэтым і заключаецца дэмакратыя? Палітычныя спрэчкі ў (...)