Фільм пра Тамару Саланевіч

Юры КАЛІНА

Пачынаю вытворчасць дакументальнага фільма пра Спадарыню Тамару Саланевіч, выдатную рэжысёрку-дакументалістку з Нараўкі на Падляшшы, якая ўсё сваё прафесійнае жыццё прысвяціла Падляшшу, Польскаму тэлебачанню і кіно.

Хацелася б пачуць водгукі ад усіх, хто ведаў Тамару, яе сям’ю, працаваў з ёй над фільмамі ці сябраваў з ёй... і хто хацеў бы падзяліцца сваімі ўспамінамі пра гэтую выдатную асобу. Я перакананы, што Тамара заслугоўвае таго, каб яе належным чынам ушанаваць у дакументальным фільме, бо ўсё сваё прафесійнае жыццё яна прысвяціла гэтай мэце.

Звязвацца ў гэтай справе лепш праз сацыяльную сетку Facebook.

Фільм ствараецца ў сумесным прадукцыйным працэсе некалькіх арганізацый: Медыяцэнтра для замежжа TVP, Горада Беласток, Цэнтра беларускай культуры ў Беластоку і Аддзела TVP у Беластоку.

Тамара Саланевіч нарадзілася ў сям’і даваеннай беларускай інтэлігенцыі. Вучылася ў пачатковай школе ў Нараўцы, а затым у Агульнаадукацыйным ліцэі ў Міхалове. Скончыла факультэт польскай філалогіі Варшаўскага ўніверсітэта і аспірантуру па журналістыцы.

З сярэдзіны 1960-х гадоў яна працавала на Польскім тэлебачанні, у тэленавінах «Dziennik Telewizyjny», у аддзеле рэпартажаў Першай праграмы TVP і ў Студыі дакументальнага кіно ў Лодзі. У 1990-х гадах яна займала пасаду намесніка дырэктара Аддзела Тэлебачання Беласток па праграмнай падрыхтоўцы. У Беластоку яна заснавала Беластоцкую школу (...)