Магія прыморскага Купалля: як у Гдыні ядналіся славянскія сэрцы

Уладзімір РАМАНОВІЧ

У дні летняга сонцастаяння, 20-21 чэрвеня, Гдыня ператварылася ў сапраўдны цэнтр купальскай містыкі — тут пасля доўгага перапынку прайшоў адроджаны фолк-фестываль «Фальклорнае вуха» (Folkowe Ucho — Noc Kupały). Наш карэспандэнт Уладзімір Раманавіч пабываў на свяце, пагутарыў з музыкамі ды арганізатарамі і даведаўся, як Купалле аб’яднала традыцыі беларусаў, палякаў і ўкраінцаў, а важным эксклюзіўным акцэнтам фэсту сталі гаючыя зёлкавыя настойкі і духмяныя пасты паводле старадаўніх падляшскіх рэцэптаў.

Купальскі рамантызм ў графіцы Ганны Долы. Неадменная частка атмасферы

На два дні культавы клуб «Ucho» ў Гдыні стаў галоўнай этнамузычнай прасторай Трыгорада. Афішы для мерапрыемства былі створаны на падставе неверагодных рамантычных малюнкаў трыпціха «Ноч Купалы» (Tryptyk „Noc Kupały”) папулярнай польскай мастачкі Ганны Долі. Яе дэталёвыя чорна-белыя працы ў стылі этнафэнтэзі даўно сталі візітнай карткай сучаснага польскага неафолку.

Сюжэт цэнтральнай карціны імгненна занурае ў таямнічую атмасферу: закаханая пара ў традыцыйных строях злілася ў пацалунку пасярод містычнага купальскага лесу, сплеценага векавымі каранямі, а ў глыбіні цемры адгадваюцца сілуэты русалак, што водзяць карагоды. Гэтая графіка, выкананая ў стылі старадаўніх гравюр. Купалле — свята праславянскае, глыбокае, якое жыве ў падсвядомасці кожнага з нас, незалежна ад сучасных (...)