Праграма вечарыны ТБШ у Беластоку, 1928 г.

Сяргей ЧЫГРЫН

У Цэнтральнай навуковай бібліятэцы Нацыянальнай Акадэміі Навук Беларусі (ф. 23, воп. 1, адз. зах. 501) захоўваецца праграма-афіша Таварыства беларускай школы ў Беластоку ад 5 лютага 1928 года. Афіша была напісана на польскай мове дзеля таго, каб яе больш людзей прачыталі і даведаліся пра беларускае мерапрыемства, ды і польская ўлада не ўсё тады дазваляла. У перакладзе на беларускую мову тэкст на афішы чытаецца так:

Таварыства Беларускай Школы

Дня 5 лютага 1928 г.

у сядзібе клуба «Гелас» Ліпавая, 6

адбудзецца

ПРАДСТАЎЛЕННЕ-ВЕЧАРЫНА

сарганізаванае Беластоцкім Акруговым

Праўленнем

Таварыства Беларускай Школы.

Даход прызначаецца на культурна-асветныя мэты.

Сыграны будуць:

БОТЫ

жарт-аднаактоўка Кудзелькі на беларускай мове.

МІКІТАЎ ЛАПАЦЬ

двухактовая камедыя Кудзелькі.

На заканчэнне

............................ ТАНЦЫ ............................

да 4-й гадзіны раніцы

пад гукі свайго аркестра.

Білеты ад 75 грошаў да 2 злотых набываць можна ў касе клуба.

Пачатак у 8-м гадзін вечара.

Упраўляючы К. Сідаровіч

Як бачна з афішы ўсе жадаючы асобы амаль сто гадоў таму ў Беластоку глядзелі пастаноўкі па п’есах Міхаіла Кудзелькі (Міхася Чарота, 1896-1937). Рыхтаваў афішу беларускі грамадска-культурны дзеяч Кастусь Сідаровіч (...)