«Князева гара» — новы зборнік Жэні Мартынюк

Аляксей МАРОЗ

У Гарадской публічнай бібліятэцы ў Бельску-Падляшскім 12 снежня адбылася прэзентацыя новых выданняў Музея малой айчыны ў Студзіводах — новага зборніка паэзіі і прозы Жэні Мартынюк «Князева гара» і кнігі Дарафея Фіёніка «Яўгеній Евец. Час і людзі».

Публіку, якую склалі жыхары Бельска-Падляшскага, Зубава і Кнаразоў, прывітаў у бібліятэцы старшыня Аб’яднання «Музей малой айчыны ў Студзіводах» Дарафей Фіёнік і коратка расказаў пра сваю выдавецкую дзейнасць. Сярод публікі былі, між іншым, новаабраная войт Бельскай гміны Кацярына Карыцкая і дырэктар Самастойнага публічнага Прадпрыемства аховы здароўя ў Бельску-Падляшскім Пётр Сельвясюк.

У пачатку спаткання публіка паслухала песню на словы Жэні Мартынюк «Плачуць царкоўныя свечы», у выкананні хору, якога дырыжорам і заадно аўтарам музыкі да песні быў Ірыней Лаўрашук. Пра зборнік «Князева гара» Жэні Мартынюк і яе ранейшую творчасць расказвала прафесар Галіна Тварановіч, літаратурная рэдактар кнігі і аўтар уступу да зборніка.

— У пачатку кнігі ёсць верш, які і даў назву кнізе «Князева гара» — назву сімвалічную і вельмі прамую. У «Князевай гары» адкрываюцца ўраджэнцы Зубава, далягляды прошласці, сапраўднае, прышласць і далягляды вечнага, да чаго мы ўсе прызваныя імкнуцца, якія хораша адчуваюцца паэтэсай Жэняй Мартынюк. Аб духоўных даляглядах сведчыць кранальная песня, якую мы паслухалі. Гэта верш натхніў на стварэнне такога (...)