«Песні, мае песні». Канцэрт з нагоды 80-годдзя Сцяпана Копы ў Cтудыі «Рэмбрант»

Міхал ІВАНЮК

Больш за два гады таму няма з намі Сцяпана Копы, чалавека, якога, несумненна і смела, можна назваць інстытуцыяй і захавальнікам беларускай музычнай традыцыі. Ён памёр 11 красавіка 2023 года. Амаль паўстагоддзя ён ратаваў ад забыцця нематэрыяльную музычную спадчыну беларусаў Падляшша. Але памяць пра Сцяпана Копу і яго творчасць жыве, пра што 2 кастрычніка заявіў Цэнтр беларускай культуры ў Беластоку. Сумесна з Польскім радыё Беласток самая маладая беларуская ўстанова падрыхтавала канцэрт у Cтудыі «Рэмбрант», каб адзначыць 80-годдзе «куратара Маліннікаў», дзе вопыт і традыцыі сустрэліся з маладой энергіяй, новым поглядам і новай аранжыроўкай традыцыйных падляшскіх песень. Канцэрт можна лічыць, перш за ўсё, формай падзякі за шматгадовую працу Сцяпана Копы і яго ўклад у захаванне беларускай спадчыны.

Давайце коратка ўспомнім, хто ён і што зрабіў для Падляшша і беларусаў. Сцяпан Копа нарадзіўся ў 1945 годзе ў вёсцы Маліннікі. Ён скончыў Бельскі белліцэй і Педагагічную вышэйшую школу ў Кельцах (цяпер Універсітэт імя Яна Каханоўскага). Гадамі ён даследаваў, папулярызаваў і ажыўляў беларускую культуру на Падляшшы праз шматлікія этнаграфічныя экспедыцыі, аўдыязапісы песень і інтэрв’ю з мясцовымі выканаўцамі і творцамі. Ён супрацоўнічаў з дзясяткамі гуртоў і 35 гадоў кіраваў калектывам «Расспяваны Гарадок». Выдаў больш за дзясятак песеннікаў, у тым (...)