Новая дарога паўз мяжу

Радаслаў МАЦІЕВІЧ

Падляшская кампанія Unibep падпісала кантракт з Памежнай аховай на будаўніцтва дарогі ўздоўж польска-беларускай мяжы коштам прыблізна 238 мільёнаў злотых. Новы 180-кіламетровы маршрут прызначаны для аптымізацыі перамяшчэння памежных сіл і павышэння бяспекі ва ўсходняй частцы краіны. Гэта яшчэ адна буйная інфраструктурная інвестыцыя ўздоўж памежнага бар’ера, які быў пабудаваны ў 2022 годзе таксама кампаніяй Unibep. Новая дарога прызначана для значнага паляпшэння працы службаў, якія ахоўваюць усходнюю мяжу Польшчы, і павелічэння хуткасці іх перамяшчэння ўздоўж ахоўнага бар’ера. Дасць гэта паляпшэнне доступу да мяжы, павышэнне бяспекі і спрашчэнне рамонтных работ на загарадзе. Новае пакрыццё прызначана для паляпшэння лагістыкі аператыўнай дзейнасці і павышэння эфектыўнасці аховы мяжы. Памежная ахова падкрэслівае, што мэтай інвестыцый з’яўляецца павышэнне хуткасці і эфектыўнасці дзейнасці сілавых структур, а таксама паляпшэнне ўмоў працы супрацоўнікаў.

Агульная працягласць запланаванага маршруту складзе прыблізна 180 кіламетраў. Большая частка будзе пабудавана з выкарыстаннем асфальту. На большасці ўчасткаў будзе выкарыстоўвацца светлы асфальт, які — у адрозненне ад стандартнага чорнага — менш награваецца, што важна для абароны мігруючых жывёл. У рэгіёне Белавежскай пушчы пакрыццё будзе зроблена з «крушыва» (крышанага камення), каб захаваць прыродныя каштоўнасці гэтай унікальнай экасістэмы. Завяршэнне (...)