«Падляшша пад паверхняй» — мясцовыя выканаўцы на малой сцэне «Змены клімату»

Міхал ІВАНЮК

3 лютага гэтага года мы адзначаем пяцігоддзе свята, якое мае на мэце папулярызаваць і паказаць разнастайнасць нашай роднай падляшскай музычнай сцэны. Дзень падляшскай музыкі — гэта свецкая традыцыя, ініцыяваная трыма вядучымі падляшскімі радыёстанцыямі: Польскім Радыё Беласток, Радыё Акадэра і Беларускім Радыё Рацыя, якія ў гэты дзень транслююць толькі песні выканаўцаў нашага рэгіёна. Адным з пачынальнікаў Дня падляшскай музыкі з’яўляецца журналіст Радыё Беласток Анджэй Байгуз. Таксама дзякуючы яго настойлівасці і ўпартасці быў створаны альбом з чатырнаццаці песень вядучых падляшскіх выканаўцаў. Аднак гэта не звычайная музычная кампіляцыя, таму што стваральнік і мастацкі прадзюсар альбома прыдумаў ключ, які павінен суправаджаць усе чатырнаццаць кампазіцый альбома. Асноўнае, што суправаджае кожную песню ў альбоме — абраная метафара, звязаная з нашым рэгіёнам, якую выканаўца ці гурт павінны былі музычна асэнсаваць па-свойму, арыгінальна і непаўторна. Стваральнік альбома ў кароткай нататцы, змешчанай у дыгібуку, бо менавіта ў такім фармаце альбом быў выдадзены, напісаў:

Ёсць свет, зразумелы толькі Людзям Адсюль, і яго нельга перакласці на іншыя мовы, у тым ліку на польскую. Пра гэта можна казаць гадамі, але калі ты не жывеш тут, лёгка заблудзіцца. Падляшша — як ідыёма. Спробы перавесці наш свет цярпяць няўдачу, таму што гэта ўсё роўна, што перавесці адзін (...)