Пірагі памаглі. Дэбют 2024. ІІІ месца (проза)

Вера МАСАЙЛА

Асобы: Апавядальнік, Міколка, Каця, Шаптуха, маці Каці, бабуля Каці, сястра Каці Ніна, сястра Каці Марыся, акардэаніст.

Акардэаніст іграе беларускую мелодыю.

Апавядальнік: — Добры дзень, даражэнькія! Раскажу вам Міколкаў сакрэт. Міколку вельмі падабаецца дзяўчына з нашай вёскі — Кацярына! Ды яна сустракаецца ўжо з яго сябрам, Сяргеем! Што ўжо Міколка не рабіў, каб выкінуць дзяўчыну з галавы. Не атрымалася — Каця надалей сніцца яму цэлымі начамі!

Так мне шкода Міколкі. А Сяргей? Ці ён сапраўды закаханы ў Кацю?

Вось і яны — Кацярына і Міколка.

Апавядальнік хаваецца за заслону, а з другога боку ідуць Каця і Міколка з цэпам.

І сцэна. Рада Міколкі

Міколка: — Прывітанне, Каця!

Каця: — Прывітанне! Якая прыгожая прырода! Як цудоўна грэе сонейка! А мне так цяжка на душы!

Міколка: — Не наракай! А што такое здарылася, што ты, прыгажуня-шчабятушка, так прыгасла?

Каця: — Нібы нічога асаблівага. Проза жыцця, людзі кажуць, што мой каханы Сяргейка стаў гуляць з маёй найлепшай сяброўкай.

Міколка: — І ты на гэта дазваляеш?

Каця: — А што мне зрабіць?

Міколка: — Як то што! Магчымасцей ёсць шмат. Толькі якую выбраць?

Каця: — Найлепшую!

Міколка: — Папрасіць хлопцаў, каб яму паказалі, дзе ракі зімуюць.

Каця: — Ну што ты, Міколка!

Міколка: — Шкадуеш свайго Сяргея?

Каця: — Яшчэ (...)