У Залешанах развіталіся з Сяргеем Нічыпаруком

Валя ЛАЕЎСКАЯ

Сям’я, сябры, прадстаўнікі розных арганізацый і прадстаўнікі мясцовага самакіравання, а таксама праваслаўнага духавенства развіталіся з дзеячам праваслаўнага і беларускага асяроддзя на Падляшшы Сяргеем Нічыпаруком. Ён памёр 25 верасня ва ўзросце 75 гадоў.

Развітанне праходзіла ў манастырскай царкве ў Залешанах, якая паўстала дзякуючы ягонай працы.

— Ім была збудавана капліца і агароджа. Тут, у нас, Залешанскі манастыр, вымаленае ім месца. Такіх матэрыяльных ягоных памятак шмат. Але яшчэ колькі дабра засеяў у сэрцах і душах людзей.

— Ён расказваў гісторыю сваёй сям’і, пра Залешаны, пра пацыфікацыю. І ўсё гэта расказваў, каб ушанаваць сваіх продкаў, каб ганарыцца продкамі, сваёй зямлёй, але без нянавісці.

— Быў чалавекам вялікай веры. З ім можна было пагаварыць на любую тэму. Для кожнага меў час. І вечная яму памяць.

Сяргей Нічыпарук — нашчадак залешанскай сям’і, якая пацярпела ад дзеянняў атрада польскага ўзброенага падполля пад камандаваннем Рамуальда Райса (мянушка «Буры»). Быў прыхільнікам дыялогу і прымірэння.

Пахавалі Сяргея Нічыпарука на яго радзіме ў Залешанах на праваслаўных могілках.

Сяргей Нічыпарук нарадзіўся ў 1949 годзе ў Залешанах, у сям’і, якую, закранула акцыя пацыфікацыі беларускіх вёсак Беласточчыны пры канцы студзеня — у пачатку лютага 1946 года атрадам польскага антыкамуністычнага падполля пад камандаваннем (...)