Ніва № 05 (3534), 4 лютага 2024 г.
«Znich» — канцэрт у «MotoPub» у рамках Тура на ДзядыМіхал ІВАНЮКДзяды — адзін з традыцыйных абрадаў, рытуалаў, якія практыкавалі нашы продкі ў часы, калі хрысціянства яшчэ не прыжылося на нашых землях і не стала дзяржаўнай рэлігіяй. Ён быў прысвечаны памяці продкаў, якія адышлі ў вечнасць і якіх мы памятаем. Гэты абрад падзяляўся на веснавыя Дзяды ў траўні і восеньскія Дзяды на мяжы канца кастрычніка і пачатку лістапада. Фактычна ён захаваўся да нашых дзён у змененым выглядзе і прыняў форму Задушнага дня, які хрысціянства не магло сцерці, таму проста засвоіла для сваіх патрэб. 19 студзеня гурт «Znich», які з мінулай восені прасоўвае свой апошні рэліз — міні-альбом «Maці» ў рамках тура «Дзяды», прэзентаваў сваю версію абраду ў беластоцкім «МотаПабе». Пасля шматлікіх пертурбацый, у тым ліку спробы балатавацца на апошніх прэзідэнцкіх выбарах, Алесь Таболіч, лідар і адзіны пастаянны ўдзельнік, які выступаў на ўсіх рэлізах гурта, вядучы прадстаўнік беларускай экстрым-метал-сцэны, пасяліўся ў Варшаве і разам з новымі супрацоўнікамі, у тым ліку гітарыстам Вітаўтам Кашкурэвічам, распальвае сваім мастацкім бачаннем, дзе экстрэмальны метал спалучаецца са своеасаблівым відовішчам, якое самі артысты называюць архаічным фолк-металам. Такое мастацкае бачанне дайшло да сабраных. У клуб прыйшла вялікая група аматараў цяжкай музыкі. Пад сцэнай (беластоцкай пляцоўкі) зноў змяшаліся гаворкі і нацыянальнасці, бо метал — гэта міжнародная мова, якая (...) |