Сумнае падсумаванне

Уладзімір ХІЛЬМАНОВІЧ

Чарговы цяжкі год пракаціўся, тым не менш досыць імкліва — па адных шматлікімі дробнымі непрыемнасцямі, па іншых — сапраўдным бульдозерам ці танкам. Са сваіх сяброў і знаёмых практычна не ведаю аніводнага чалавека, які б зазнаў нейкія важкія шчаслівыя перажыванні ў 2023 годзе. А гэта значыць, што мінулы каляндарны адрэзак быў адным з найгоршых у новай гісторыі Беларусі. Цяжэй за ўсё перажываюцца незваротныя чалавечыя страты, а іх было зноў нямала.

Найбольш трагічныя падзеі мінулага года для Беларусі — гэта гібель беларускіх ваяроў-добраахвотнікаў ва Украіне на фронце ў змаганні з расейскімі акупантамі. За мінулы год на гэтай вызваленчай вайне загінула мінімум 15 беларускіх хлопцаў. Найбольш балючыя страты — гераічная смерць на полі бою Эдуарда Лобава і Міраслава Лазоўскага, знакавых асоб беларускага нацыянальнага руху, вялікіх патрыётаў Бацькаўшчыны. Светлая і вечная ім памяць...

Беларусы Падляшша таксама развіталіся з некаторымі знакавымі асобамі — сярод іншых выправіліся ў лепшы свет Міхась Хмялеўскі і Надзея Артымовіч, людзі, якія шмат зрабілі на Беласточчыне для захавання і развіцця беларускага пісьмовага слова.

У самой Беларусі ўсё было надзвычай змрочна, можна канстатаваць, што ад суверэнітэту амаль нічога не засталося. Залежнасць і падпарадкаванне Маскве яшчэ больш узмацніліся. Усеагульная русіфікацыя і нейкая некрафільская саветызацыя ва ўсіх сферах дзяржаўнага і грамадскага (...)