Стала нас больш, хаця менш (ч.3). Рэлігійная прыналежнасць грамадзян Польшчы

Юрка ЛЯШЧЫНСКІ

Не з’яўляецца ўжо Польшча аднароднай краінай паводле веравызнанняў. Так можна меркаваць, чытаючы вынікі перапісу насельніцтва грамадзян 2021 года ў графе «Прыналежнасць да рэлігійных веравызнанняў».

Праўда, гэтае пытанне ў апошнім перапісе не было абавязковым і таму на яго адказала 30 212 505 з агульнага ліку 38 036 118 грамадзян. Гэта 79,43%. Аднак больш за 20% не пажадала адказваць на гэтае пытанне, лічачы што тое, ці хто веруючы, ці няверуючы — асабістая справа кожнага рэспандэнта. Такіх было 7 807 553 чалавек (крыху больш за 19%). Ажно 2 611 506 грамадзян не атаясамліваецца з ніводнай рэлігіяй ці веравызнаннем — яны няверуючыя (6,87% з ліку ўсіх грамадзян краіны), а 16 056 чалавек (0.04%) не магло ўвогуле назваць свайго веравызнання.

Сваю прыналежнасць да Рымска-каталіцкага касцёла назвала 27 121 331 асоб (гэта 71,30%). Паводле меркаванняў самога Касцёла ў краіне павінна было быць сама менш 95-97% каталікоў. Грамадзян Польшчы, якія назвалі сваё веравызнанне іншым чым рымска-каталіцкае, таксама не так шмат, бо каля 600 000 (няцэлыя 2%), хаця амаль усе Цэрквы падаюць лік сваіх вернікаў у 2 а то і 3 разы большым.

І так, вернікаў Праваслаўнай царквы пражывае ў Польшчы ўсяго 151 648 (0,50%) чалавек, з якіх найбольш, бо 95 677 жыве на Падляшшы (амаль 70%). Паводле алгарытму, які быў выкарыстаны ў перапісе насельніцтва ў 2011 годзе, праваслаўных (...)