Ніва № 17 (3493), 23 красавіка 2023 г.
Вершаўчытальня Андрэя СЦЕПАНЮКА (59). Адзінота крыжаАндрэй СЦЕПАНЮК„А ён кажа ім: не жахайцеся. Іісуса шукаеце Назараніна, распятага; Ён уваскрэс, Яго няма тут. Вось месца, дзе паклалі Яго”. Евангелле паводле Марка 16:6 Як забіць у сабе неахвоту да пасхальнай радасці. Калі мільёны людзей ідуць у святочных крыжовых дарогах, каб у канцы пабачыць і адчуць велікодную радасць, нейкая нябачная сіла не дазваляе нават на хвіліну адкрыць павагу таго, што ўжо звыш дзвюх тысяч гадоў трымае пры жыцці вялізную частку сучаснага свету. У галаву лезе пытанне: а чаму гэта так сталася? Чаму трэба было пакутніцкай смерці найлепшага з найлепшых, каб штосьці змянілася? І ці сапраўды змянілася, і чалавек зразумеў да канца істоту гэтай смерці? І яшчэ адвечнае пытанне пра самоту Хрыста на крыжы. Дык Ён быў сам. Не паўсталі народы, каб абараніць Яго, не сказаў ніхто: «Я памру за Яго». Усе паверылі, што спаўняецца тое, што здзейсніцца мае. І споўнілася, і спаўняецца кожны год у тым самым выглядзе. І трывае самота, хаця мільёны ідуць у крыжовых дарогах... Жанчыны-міраносніцы стаялі. Анёл Гасподні камень адваліў. Дый там, дзе Цела мілае паклалі Адны тканіны знятыя былі. І Магдалена, Госпада згубіўшы, Замерла ў страху й жалю над труной, Пакуль з вышынь ерусалімскай цішы Не загучаў знаёмы голас ёй. Знаёмы голас ушчуваў лагодна: О, як маглі засумнявацца ў тым, Што Ён васкрос! (...) |