Ніва № 13 (3489), 26 сакавіка 2023 г.
«Чырвоная Русь»Уладзімір ХІЛЬМАНОВІЧГалоўнай падзеяй мінулага тыдня ў свеце бясспрэчна стаў ордар на арышт, выдадзены Міжнародным крымінальным судом у Гаазе, на Уладзіміра Пуціна, начальніка новай расейскай імперыі, якая ўжо развязала вайну супраць некалькіх народаў і гатова надаць ёй як мінімум агульнаеўрапейскі характар, а то і распаліць сусветны пажар. Гэтае рашэнне мае найперш не столькі юрыдычны, колькі маральна-палітычны характар. Нарэшце старая Еўропа наважылася на цвёрды крок, які трэба было зрабіць яшчэ год таму. Ордар на арышт Пуціна і адной з яго паплечніц выдадзены ў звязку з масавым вывазам з захопленых тэрыторый Украіны менавіта ўкраінскіх дзяцей, фактычнай дэпартацыі непаўналетніх і трымання іх у адмысловых лагерах. Гэты сігнал Захаду Маскве выглядае мацнейшым за ўсе яго ранейшыя палавіністыя і непаслядоўныя эканамічныя санкцыі. Гэта новы пункт адліку ў супрацьстаянні цывілізацыі і варварства, міжнароднай законнасці і палітычнага бандыцтва. Гэты ордар урэшце можа стаць тым трыгерам, які зрушыць маналітныя пліты вярхоўнай крамлёўскай улады. Для верхаводнікаў сённяшняй Беларусі — гэты ордар таксама не пройдзе бясследна, «чорная метка» неўзабаве можа прыляцець і ў Мінскі «Чырвоны дом». А пакуль вярхоўная ўлада РБ правяла ў мінулую суботу, 18 сакавіка, устаноўчы з’езд сваёй новай партыі «Белая Русь». Уласна арганізацыя пад такой шыльдай як грамадская арганізацыя існуе ўжо даўно. Толькі зараз вырашана назваць яе (...) |