«Беларускі корань» — Кася Сянкевіч

Дар’юш ЖУКОЎСКІ

Ратацыйны дом культуры — цікавае месца на карце Варшавы. Ён знаходзіцца ў фінскім доміку па адрасе вул. Яздуў, 3/18. Гэта даволі цікавае аддзяленне Дома культуры Сьрудмесьце. Ён быў адкрыты ў 2015 годзе як рэалізацыя адной з ідэй Бюджэту ўдзелу сталічнага горада Варшавы. У яго таксама ёсць вельмі цікавая ідэя для яго дзейнасці. Гэта стварэнне прасторы ў мікрараёне Яздуў, адкрытай для культурнай і грамадска-культурнай дзейнасці, скіраванай на мясцовае грамадства, жыхароў раёна і ўсёй Варшавы. Праграма Ратацыйнага дома культуры дзейнічае знізу ўверх, няма навязанай формы і тэмы, а ўмовай рэалізацыі праекта з’яўляецца некамерцыйнасць прадстаўленых праектаў і іх бясплатнасць для адрасатаў.

Менавіта ў гэтым месцы адбылася выстава твораў Кацярыны Сянкевіч. «Беларускі корань» — так яна называлася. Яна праходзіла з 28 студзеня па 3 лютага 2023 года. Гэты праект быў рэалізаваны ў супрацоўніцтве з Belarusian Council for Culture i Flanders — State of the Art у рамках Дзён беларускай культуры.

З запрашэння Касі можна прачытаць: «Запрашаю на індывідуальную выставу інтэрмедыйнага жывапісу, змешанага з ткацтвам і паэзіяй. Мае разнастайныя творчыя эксперыменты звязаныя з Падляшшам, адкуль я родам, і беларускай культурай, з якой я паходжу, што будзе вельмі яскрава бачна на выставе. Сучасны фальклор, пошукі сутнасці ў сімволіцы традыцыі павінны ідэальна ўпісвацца ў прастору драўлянай, фінскай (...)