Ніва № 45 (3469), 6 лістапада 2022 г.
Адноўленая «Бардаўская восень»Аляксей МАРОЗУ мінулым было так, што галоўнай падзеяй Фестывалю беларускай бардаўскай ды аўтарскай песні «Бардаўская восень», які арганізуецца ўжо каля трыццаці гадоў, была сустрэча на першы дзень фестывалю ў Бельскім доме культуры. Тады праходзілі конкурсныя слуханні, выступалі зоркі. Пасля двухгадовага перапынку, 28 кастрычніка, адноўленая «Бардаўская восень» у Бельскім доме культуры пачалася па-новаму, аднак захоўваючы традыцыю. Яго арганізатарамі з’яўляюцца першы раз Фонд «Тутака» і Цэнтр адукацыі і прамоцыі беларускай культуры ў Шчытах. Падчас спаткання ў Бельскім доме культуры, дзе адбылося адкрыццё фестывалю, многа месца было адведзена беларускай літаратуры і тэатру, беларускаму пісанаму і сцэнічнаму слову. Адбылася дыскусія вакол постаці Міхала Анемпадыстава (1964-2018) і была ўручана ўзнагарода Беларускага ПЭН-цэнтра яго імя на найлепшую кніжную вокладку. Акцёры Купалаўскага тэатра запрэзентавалі пастаноўку «Я гавару» ў рэжысуры Міхася Зуя. Была таксама традыцыйная частка фестывалю — канцэрт зоркі «WZ TRIO». У гэты сам дзень, перад абедам, у Гайнаўскім белліцэі перад вучнямі выступіла Кацярына Ваданосава. — Пасля двухгадовага перапынку «Бардаўская восень» аднавілася, паўстала як фенікс з попелу. Можа крыху ў нязвыклым фармаце, але яна пры гэтым не страціла сваёй галоўнай мэты і задачы, за якую я вельмі яе люблю — прывіваць у нас усіх любоў да прыгожага, да высокага і вельмі, вельмі чалавечнага, мастацтва (...) |