«Хто ведае, што ў Польшчы жыве беларуская нацыянальная меншасць?»

Дар’юш ЖУКОЎСКІ

На сустрэчу 17 чэрвеня я выбраўся з сяброўкай Малгажатай Дмітрук, якая сказала мне пра яе.

З таго пытання з міні-апытання пачалася сустрэча з Яўгенам Вапам у Беларускім доме ў Варшаве. Адказ, вядома, даў кіраўнік гэтага фонду Алесь Зарэмбюк. Ён быў сумны.

«Беларускі дом у Варшаве» быў створаны пасля падзей 19 снежня 2010 года, калі тысячы беларусаў выйшлі на вуліцы Мінска, каб пратэставаць супраць фальсіфікацыі выбараў у сваёй краіне... «Прадстаўнікі двух беларускіх дэмакратычных рухаў: «Рух „За Свабоду”» і «Еўрапейская Беларусь», якія ў выніку пераследу па палітычных матывах выехалі ў Польшчу, стварылі Беларускі дом у Варшаве — установу, якая падтрымлівае дэмакратычную дзейнасць у Беларусі, і адначасова выконвае ролю інфармацыйнага цэнтра, — можам прачытаць гэтую інфармацыю на іх сайце.

Сваю цяперашнюю сядзібу фонд атрымаў ад прэм’ер-міністра Матэвуша Маравецкага падчас візіту Святланы Ціханоўскай у верасні 2020 года. «Я хацеў бы, каб свабодныя беларусы мелі падтрымку і надзейны прытулак у Польшчы дэмакратычнай Еўропы», — сказаў прэм’ер-міністр, перадаючы сімвалічныя ключы ад гэтай вілы на Саскай Кемпе. Віла па адрасе вул. Крынічная 6 на варшаўскай Саскай Кемпе была спраектавана вядомым у Польшчы яшчэ да вайны архітэктарам Люцыянам Карнгольдам — яна была створана для сям’і Ротштэйнаў (пра гэта нам перад сустрэчай распавядаў Яўген, які жыў (...)