За крок да расстрэлаў

Уладзімір ХІЛЬМАНОВІЧ

За адзін красавіцкі дзень мінулага тыдня імя нікому дагэтуль невядомай Марыны Лянчэўскай загучала на ўсю Беларусь. Не, яна не вызначылася нейкімі вынаходніцтвамі ці новым словам у галіне навукі, не рабіла складаных медыцынскіх аперацый, не праславілася арыгінальнымі творамі мастацтва і нават не выйшла наперад у сферы паскоранай жывёлагадоўлі ці патройнага выканання працоўнага плана на канвееры фабрыкі. Марына Лянчэўская — гэта «дэпутатка» так званай палаты прадстаўнікоў так званага Нацыянальнага сходу. Менавіта Марыне Лянчэўскай была «оказана честь» агучыць на адмысловым пасяджэнні вышэй згаданага дзяржаўнага органа папраўкі ў Крымінальны кодэкс. Праект новага закона быў прыняты адразу ў двух чытаннях.

Новы законапраект нібыта падрыхтаваны «ў мэтах аказання стрымліваючага ўздзеяння на дэструктыўныя элементы, а таксама дэманстрацыі рашучай барацьбы дзяржавы з тэрарыстычнай дзейнасцю». Законапраектам прапануецца ўнясенне змяненняў у Крымінальны кодэкс Рэспублікі Беларусь, якія прадугледжваюць магчымасць прымянення выключнай меры пакарання ў выглядзе смяротнага пакарання за замах на здзяйсненне актаў тэрарызму. У перакладзе на чалавечую мову гэта азначае, што зараз дзяржава будзе мець юрыдычна ўзаконенае права на расстрэл сваіх грамадзян, якія вызначацца хоць якімі-небудзь праявамі нязгоды з палітыкай кіраўніцтва дзяржавы ці яе асобных органаў. Тым больш, што такое «замах на здзяйсненне актаў (...)