Ніва № 18 (3442), 01 мая 2022 г.
Вершаўчытальня Андрэя СЦЕПАНЮКА (39). Смутак веснавых дрэўАндрэй СЦЕПАНЮКНе будзе святочна, не будзе аб радасці ад спаткання з Уваскрэслым. Не будзе, бо быць не можа. Дык надалей не ўмею адказаць на пытанне сяброўкі, якая „за мужам” кінула каталіцызм і прыйшла з поўным перакананнем да праваслаўя. Чаму? І не ўмею ў тую хвіліну сам сябе пераканаць, як робяць гэта многія, да тэзісу, што так мела быць і што гэта плата за грахі. Чые грахі? Тых дзяцей, якія сядзелі разам з ашалелымі ад страху маці ў падвалах тэатра ў Марыупалі? Гэтай згвалтаванай чалавечым зверам 83-гадовай бабулі, якая з плачам выкрычыць, што лепш бы яе той звер забіў, чым аставіў сярод жывых? А можа за грахі святароў, якія глядзяць на разваленыя сцены святыняў створаных рукамі пакаленняў і намоленых шчырай верай загубленых людзей? Глядзяць і моляцца, каб быў на зямлі спакой і каб была надзея, і не разумеюць, чым яны горшыя за брухатых правадыроў сваёй канфесіі, якія пакінулі іх і іх паству на здрадніцкую смерць. КатА свайго я заву — Кот. КАта свайго я заву — Кат. Рабскае племя заву — Скот. Брата свайго я заву — Брат. Колькі прыдумана намі слоў, Накручана сэнсаў і пад, і на, Але любоў — гэта проста любоў, А калі вайна — то гэта вайна. Вораг прыйдзе на мой парог, Свет ягоны завецца — цьма. А я свайго Бога заву — Бог, Іншых імён у яго няма. Ганна Севярынец, *** КатА свайго я (...) |