Ніва № 06 (3430), 06 лютага 2022 г.
Еўрапейская ганьбаУладзімір ХІЛЬМАНОВІЧУ еўрапейскім палітычным спісе ганьбы папаўненне. На гэты раз яскрава вызначыўся прэзідэнт Харватыі Зоран Міланавіч. Ён выразна выступіў апалагетам пуцінскай палітыкі, зрабіўшы гучную заяву адносна Украіны. Гэты Міланавіч заявіў, што ў разе ваеннага канфлікту паміж Расеяй і Украінай, Харватыя адкліча сваіх жаўнераў з вайсковага кантынгента НАТО. І ўвогуле Украіне не месца ў НАТО нават у аддаленай перспектыве. Пры тым ён хітра спаслаўся на высокі ровень карупцыі ва Украіне, што ёсць у прынцыпе праўдай, але не мае дачынення да расейскай пагрозы не толькі Украіне, але і ўсёй Еўропе. І дадаў — павінна быць дасягнутае пагадненне, «якое ўлічвае інтарэсы бяспекі Расеі». Варта сказаць, што на пасаду прэзідэнта яго вылучала левая сацыял-дэмакратычная партыя, якая ўзнікла на базе колішняй камуністычнай партыі. Гэта многае тлумачыць. Пры нагодзе можна ўспомніць і ранейшага прэзідэнта Харватыі Калінду Грабар-Кітаравіч, якая красавалася на расейскіх стадыёнах у 2018 годзе ў час чэмпіянату свету па футболе. Тады, напярэдадні, важнейшага чвэрцьфінальнага матча Расея-Харватыя, Пуцін шчодрай барскай рукой дараваў Харватыі вялікі крэдыт. Застаюся перакананым, што асноўны час той футбольнай сустрэчы быў дамоўным — на нічыю, і толькі ў дадатковы час каманды гулялі ў поўную сілу на перамогу. Але гэта так, дадатковае лірычнае адступленне. Да гонару харвацкіх палітыкаў цяперашні прэм’ер-міністр гэтай краіны Андрэй Пленкавіч (...) |