Ніва № 50 (3422), 12 cнежня 2021 г.
Жыў у Вільні дзядзька ЯнкаСяргей ЧЫГРЫН17 лістапада споўнілася 115 гадоў з дня нараджэння празаіка, паэта, публіцыста, выдаўца, журналіста і педагога Янкі Багдановіча (1906-1990). Для адных беларусаў ён быў Ян Антонавіч, для ўсіх астатніх, асабліва моладзі, проста — дзядзька Янка. Моладзь дзядзька Янка любіў, а яна любіла і паважала яго. Невыпадкова ў 1929-1940 гадах ён разам з Янкам Шутовічам, Мар’янам Пецюкевічам і Язэпам Найдзюком выдаваў найцудоўнейшы незалежны часопіс „Шлях Моладзі”, у якім друкавалася ўся творчая моладзь былой Заходняй Беларусі. А ў 1930 годзе ў другім нумары Янка Багдановіч надрукаваў ці не першы свой верш „Моладзь”: Моладзь магутна Ў цемру закута, Хоча прарвацца Й народу аддацца. Цяжка змагацца З сілаю злою, Прыдзе часіна — Узойдзе зарою! І настане пара, Калі моладзь гожа Нягоды зможа Для народу дабра! Для сваіх людзей і жыў, працаваў, пісаў дзядзька Янка з Вільні. Родам Янка Багдановіч быў з вёскі Гібіняты былога Ашмянскага павета, цяпер гэта Валожынскі раён. У 1918 годзе ў яго амаль адначасова памерлі маці і бацька. Дванаццацігадоваму Янку і яго малодшаму брату Віктару давялося жыць спачатку ў Барунскім, затым у Віленскім дзіцячых прытулках, арганізаваных беларускай інтэлігенцыяй на зыходзе Першай сусветнай вайны. Скончыўшы Віленскую беларускую гімназію ў 1927 годзе, Янка Багдановіч працаваў у (...) |