На Мяжы ў Белавежжы

Міра ЛУКША

У сераду 20 кастрычніка ўвечары група з некалькіх дзясяткаў імігрантаў, у тым ліку 16 дзяцей, была знойдзена ў лесе каля Белавежы. Яны гучна казалі пра тое, што хочуць застацца ў Польшчы. У іх ліку былі дзеці і цяжарная жанчына, якія блукалі па падляшскім лесе. Групу актывістаў і медыкаў, якія дапамагаюць імігрантам у польска-беларускім памежжы, суправаджала дэпутат ад Левых Дар’я Госэк-Папёлэк, якая паведаміла пра падзеі папярэдняй ночы ў СМІ.

— Мы аказалі ім неабходную дапамогу. Далі ім пледы, ежу, гарачую гарбату. Яны былі вельмі сасмаглыя і слабыя. Гаварылі без ценю сумнення, што хочуць застацца ў Польшчы. Тут жадаюць папрасіць прытулку і прасіць міжнародную абарону. Знойдзеныя імігранты, хутчэй за ўсё, грамадзяне Ірака. Адзін з гэтых людзей ведаў англійскую мову і сказаў, што яны з Ірака, уцяклі ад пераследу, баючыся за сваё і жыццё сваіх блізкіх. Акрамя памежнікаў, на месцы з’явіліся і СМІ. На адным з тэлеканалаў відаць групу імігрантаў, якія разам крычалі «We want to stay in Poland”. Пасля аказання дапамогі і ўмяшання памежнай службы група імігрантаў была перавезена ў падраздзяленне пагранічнай службы ў Белавежы.

Дэпутатка Дар’я Госэк-Папёлэк апублікавала ў сацыяльных сетках акаўнт кампаніі дапамогі, якая тычылася групы з 30 чалавек, якія знаходзяцца за межамі зоны надзвычайнай сітуацыі. На працягу тыдня група блукала па памежных лясах. „Я не хачу, каб хто-небудзь з вас калі-небудзь пачуў плач (...)