Ніва № 49 (3421), 05 cнежня 2021 г.
Цяпер мы ўсе будзем жыць не проста побач, а разамГанна КАНДРАЦЮК«А ці ведаеце вы, што многія беларусы Падляшша, якія нарадзіліся і жывуць тут стагоддзямі, захавалі і працягваюць берагчы беларускую мову, культуру, традыцыі і гістарычную памяць»? або, «А ці ведаеце, што ўжо не адно дзесяцігоддзе беларускую мову вывучаюць у пачатковых школах і ліцэях у Беластоку і Падляшскім ваяводстве?» ці, «А можа, вам было б цікава пазнаёміцца з самым „вялікім” прафесарам у беларускай гісторыі?» Такімі анонсамі-заклікамі беларуская дыяспара, аб’яднаная пры Фондзе «Беларусь 2020», заклікала — на сустрэчу з беларускімі арганізацыямі і іцыятыўнымі групамі Падляшша. Апрача самага «вялікага» прафесара, то-бок вядомага гісторыка Алега Латышонка, які прадстаўляў Беларускае гістарычнае таварыства, з прэзентацыяй выступілі Яўген Вапа ад Радыё «Рацыя» і «Нівы», Лукаш Сцепанюк ад «komunikat.org», Юля Косціна ад аб’яднання бацькоў «АБ-БА», Нюта Карнілюк, Клаўдзія Галінская і Лукаш Лісоўскі ад БАСу, Павел Станкевіч ад Фонду «Тутака», ды Дарафей Фіёнік ад Музея Малой Айчыны ў Студзіводах — ён даслаў тэлеперадачу па — «Беларускім тыдні» на Беластоцкім тэлебачанні. Вечарыну зладзілі ў беластоцкім рэстаране «Кавелін» 26 лістапада г.г. У ходзе надта цёплай сустрэчы і асабліва ў прыватных размовах аказалася, што мы сабе цікавыя і патрэбныя. А сама Марына Ляшчэўская, старшыня Фонду «Беларусь 2020», сцвердзіла: — Цяпер мы ўсе (...) |