Ніва № 47 (3419), 21 лістапада 2021 г.
Вершаўчытальня Андрэя СЦЕПАНЮКА (28). Узурпатар 3Андрэй СЦЕПАНЮК„І калі Я сілаю вельзевула выганяю дэманаў, то сыны вашы чыёю сілаю выганяюць? Таму яны вам будуць суддзямі”. Евангелле паводле Матфея 12:27 Былы Узурпатар ішоў ішоў і не быў у змозе стрымаць хаду Ногі не хацелі затрымацца невядома ад якога часу ён іх амаль не адчуваў яны не балелі проста ішлі Ніколі не верыў у жыццё пасля смерці а вось аказалася што ўсё ж такі яно існуе у найменш чаканым выглядзе Ён не ведаў рай гэта ці пекла спатыкаў на сваёй дарозе людзей якія за свае паводзіны заслугоўвалі на адно або другое а часам і на адно і на другое Ён мёртвы для знешняга свету ішоў У глыбіні душы якая аказалася існуючай смяяўся з тых якіх падмануў на пераломе свайго жыцця і смерці Ён ім уцёк Калі новая ўлада рыхтавалася да выканання над ім смяротнага пакарання згодна з прысудам ён уцёк У адзін пахмурны дзень калі як кожнага ранку вартаўнікі прынеслі яму у турэмную камеру сняданак са здзіўленнем заўважылі што на нарах застаўся толькі яго смярдзючы труп былога Узурпатара ў тым месцы ўжо не было Цяпер быў ён ужо ў вымярэнні над якім ніколі раней не задумваўся І да таго яшчэ здзіўленне што так гэта (...) |