Ніва № 43 (3415), 24 кастрычніка 2021 г.
Ландшафтны парк даліны Свіслачы, або курыныя фермыУршуля ШУБЗДАНекаторыя гавораць, што некалькі татараў хоча круціць цэлай гмінай, але бачна, што зараз некаторым залежыць, каб разбурыць адвечны лад і падзяліць мірна жывучых татараў, палякаў, беларусаў, — тлумачыць Браніслаў Талькоўскі, старшыня Мусульманскай рэлігійнай гміны ў Крушынянах, які выступае супраць пабудовы фермаў. Асацыяцыя даліны Нятупы (рака Нятупа працякае каля вёскі Крушыняны, што ў гміне Крынкі) ужо на пачатку 2021 года інфармавала аб новай пагрозе — пабудове курыных фермаў у татарскіх Крушынянах. У сакавіку рэгіянальны дырэктар па ахове навакольнага асяроддзя ў Беластоку даў станоўчае рашэнне аб рэалізацыі інвестыцый. Наступным этапам было правядзенне працэдуры выдачы рашэння аб экалагічных умовах бургамістрам Крынак. — На той час я зусім не разумею яе рашэнняў, — сказаў Талькоўскі. — Разумеў бы, калі б яна стаяла больш пасярэдзіне гэтай справы. Тут яна адкрыта на ініцыятывы фермераў. Маем прыклады іншых гмін, бургамістраў, якія слухаюць людзей і якія, ведаючы спецыфіку рэгіёна, стараюцца гэтага не знішчыць. У нас, калі б не барацьба за парк, гэта ўсё было б знішчанае. Не гаворачы аб гэтым, як будзе выглядала такое спалучэнне — куратнікі і мячэць, але хачу падкрэсліць факт, што многа людзей свае ўласныя грошы ўклалі ў агратурызм. На самой справе, гэта ўпісваецца ў праект гміны Крынкі з 2004 года, дзе адкрыта гаварылася пра падтрымку развіцця рэгіёна пад ухілам (...) |