Гарадзенскі гурток беларускай моладзі на старым фотаздымку

Сяргей ЧЫГРЫН

Той, хто цікавіцца гісторыяй Гародні, то памятае толькі тры калектыўныя фотаздымкі Гарадзенскага гуртка беларускай моладзі напачатку ХХ стагоддзя. Адзін з іх быў зроблены ў 1910 годзе. На ім сфатаграфаваны 16 чалавек. У першым шэрагу: Зыгмунт Абрамовіч, Казімір Калышка, Адам Бычкоўскі. У другім шэрагу: Алена Шэгідзевіч, Людвіка Сівіцкая (Зоська Верас), ксёндз Францішак Грынкевіч, Ганна Салянка, Станіслава Кунда. У трэцім шэрагу: Вінцусь Семяновіч, Марыя Салянка, Станіслаў Більмін, Францішак Эйсмант, Эдмунд Кунда, Павел Аляксюк, Часлаў Чарноцкі і Станіслаў Раманоўскі. На другім фотаздымку 1913 года сфатаграфаваны Людвіка Сівіцкая, Юзя Грынкевіч, Ян Раманскі, Адольф Зянюк, невядомы юнак і Марыся Бобрык.

Ёсць і трэці калектыўны фотаздымак сяброў Гарадзенскага гуртка беларускай моладзі, які быў зроблены праз год пасля першага. Калі на першых фотаздымках прозвішчы ўсіх сяброў гуртка былі вядомыя і яны публікаваліся, то на трэцім здымку, дзе ўжо не 16 і не 6 чалавек, а ажно 37, ніколі прозвішчы ўсіх сфатаграфаваных гурткоўцаў не былі расшыфраваны і раней не публікаваліся. Проста пад здымкам пісалі: Гарадзенскі гурток беларускай моладзі.

Упершыню гэты здымак я ўбачыў у зборніку краязнаўчых артыкулаў „Горад Святога Губертa” (Выпуск VI, 2012). Пад ім стаіць подпіс: „Гарадзенскі гурток беларускай моладзі. У цэнтры ксёндз Францішак Грынкевіч”. І ўсё.

Здымак быў (...)