Ніва № 36 (3408), 5 верасня 2021 г.
Вершаўчытальня Андрэя СЦЕПАНЮКА (22). Летняя забруджанасць думакАндрэй СЦЕПАНЮКУлетку не хочацца пісаць. Улетку не хочацца чытаць. Улетку не хочацца нават думаць. І калі без першага і другога яшчэ вытрымаеш, без трэцяга выжыць цяжка. А хацелася б, каб было наадварот. Ну і зразумела не кранае гэта ўсіх жывых істот, якія карыстаюцца нажом і відэльцам для таго, каб запоўніць жывот. Лета прынесла ўзбуджэнне актыўнасці людзей, якія, не здаючыся, стараюцца данесці свету, што ўсё ж такі ў Польшчы існуе яшчэ народ, які называюць беларусамі. Вярнуліся старыя і паявіліся нават новыя мерапрыемствы, на якіх беларуская музыка і беларускае слова мае прыцягнуць хаця на адну хвіліну „праваслаўных палякаў” да задумы над сваім паходжаннем і адказам на пытанне: чаму нашы продкі не ведалі мовы, якая для нас такая нармальная і „цудоўна” зразумелая. Толькі ці сапраўды прыходзіць яшчэ тая задума і паяўляецца пытанне? Народ мой мёртвы. На тое, чаму так сталася, ёсць даволі тэорый аб геапалітычным становішчы, неспрыяючых этапах развіцця і шмат другіх доказаў, каб штодзень прыйшлося мне аглядаць пераляканыя пустыя вочы, пабітыя белыя бутэлькі ў кожным месцы пражывання майго мёртвага народу. Яўген Вапа, ***Народ мой мёртвы * * * А можа такая непазбежнасць дзеянняў? Чалавек у сваёй сутнасці гэта (...) |