Ніва № 29 (3401), 18 ліпеня 2021 г.
Найхутчэйшы журналіст ГроднаМіра ЛУКШАУ Беластоку 16 чэрвеня адбылася прэзентацыя дзвюх кніг Руслана Кулевіча, журналіста «Hrodna.life», краязнаўцы, абаронцы гістарычнай спадчыны, аўтара дзвюх кніг, былога ваеннага разведчыка, спартоўца. Займаецца зборам вусных успамінаў гродзенцаў. У «Сподках» Падляшскага інстытута культуры сабралася поўная зала зацікаўленых кнігамі ўспамінаў пра Гродна, сярод іх былі і выхадцы з гэтага старадаўняга горада. Малады гродзенскі журналіст расказаў аб працы над дзвюма кнігамі на беларускай мове: „Горад адзін, успаміны розныя” і „Гісторыі з гарадзенскіх вуліц”. У іх увайшлі ўспаміны былых жыхароў Гродна, дзяцінства і юнацтва якіх былі ў 30-40-я гг. Сярэдні ўзрост герояў кніг Кулевіча — апошніх сведак існавання старога Гродна — 90 гадоў. Аўтар сабраў больш за сорак успамінаў і шмат фотаздымкаў з хатніх архіваў, дзе можна ўбачыць гарадскія пейзажы, прыклады старадаўняй моды, сцэны з паўсядзённага жыцця гарадзенскіх гараджан розных перыядаў. — Як у нас у Гродне кажуць: „Беласток — гэта не замежжа”. Больш за ўсё Беласток здзівіў мяне сваімі роварнымі сцежкамі. Я, заядлы веласіпедыст, такіх роварных сцежак я нідзе не бачыў... З 2017 года я запісваў у Гародні гісторыі тых людзей, якія прыязджалі ў наш горад шукаць магілы сваіх продкаў ці свае былыя дамы. Гэта ў асноўным гарадзенскія габрэі, якія з’ехалі да вайны, ці выжылі ў гета і пасля вайны з’ехалі ў Амерыку ці іншыя краіны. Вось гэтую кнігу планаваў (...) |