Ніва № 21 (3393), 23 мая 2021 г.
Вершаўчытальня Андрэя СЦЕПАНЮКА (16). Дзіцячыя гульні ў шасці эпізодахАндрэй СЦЕПАНЮКЭпізод першы. Паўзмрок, на небе загараюцца першыя зоркі, здалёк чутна дынамічная музыка. Перад жылымі карпусамі васьмідзясятых гадоў мінулага стагоддзя ў тыповым тагачасным мястэчку ў пясочніцы гуляюць дзеці. Больш-менш пяцігадовы хлопчык, скажам Рыгорка, у пэўную хвіліну сыпле ў вочы пяском равесніцы, скажам Натальцы. — Ты і так у жыцці будзеш кульвай, — крычыць хлопчык. — Так гаволіць мой татка, а ён усё ведае. Дзяўчынка плача. Эля зноўку ў панядзелак Пайсці ў школу не хацела. Калі надышоў аўторак — Прыкідвацца стала хворай. Наступіла серада — Галава баліць — бяда! Маме скардзіцца ў чацвер: — Змучаная я — павер. Тлумачыцца ў пятніцу: — А я ж не выдатніца. Пайсці ў школу у суботу Не было зусім ахвоты. У святочную нядзелю Адпачыць хацела Эля. Цэлы тыдзень, цэлы тыдзень Вымушаў ляноты злыдзень. Віктар Швед, Цэлы тыдзень мучыў злыдзень * * * Эпізод другі Яму зноў сняцца кашмары. На адну хвіліну, калі боль разрывае мозг, усё вяртаецца. Не так даўно палёгку давалі яшчэ моцныя таблеткі, а цяпер не дапамагае ўжо нішто. У гэтых снах — не снах, вяртаецца дзяцінства. На халеру прыгадваецца (...) |