Ніва № 05 (3377), 31 студзеня 2021 г.
Вершаўчытальня Андрэя СЦЕПАНЮКА (5)Андрэй СЦЕПАНЮКНапеў з матывам тугі. Падзеі, якія ў апошнія месяцы адбываюцца ў Беларусі, апрача надзеі на доўгачаканыя змены прынеслі таксама вялікую колькасць уцекачоў, якія найчасцей былі вымушаны выехаць са сваёй Айчыны. Пішу гэтыя словы ў хвіліну, калі беларуская мяжа закрываецца яшчэ шчыльней, але ці зменіць гэта прагу многіх, асабліва маладых беларусаў, шукаць свайго жыццёвага прыпынку ў больш свабодным свеце? Маці-гісторыя яшчэ раз паказала, што яна не цураецца паўтарыць свае шляхі з не менш складанымі абставінамі. Невядома колькі з тых, якія апынуліся ў розных краінах свету, будзе мець магчымасць, а можа нават ахвоту вярнуцца назад. „Віюцца, як кужаль блакітны, на шпулю калёсаў шляхі... На возе — малыя, мяхі... Навокал ніўя ды ракіты. імшары, сасоннікі, сітнік, сівы небасхіл... Смяюцца малыя й скуголяць, сысолячы чорны сухар. Бацькі ж... Быццам плёхае вар на сэрца ім нехта няўмольны, калі расцвітае над полем уночы пажар. Ён топча ім здаўна па пятах, лапочачы крыллем рудым. Грызецца у вочы, бы дым: ці гэта не родная хата? І рвецца да нівы нязжатай душа... каб туды... Віюцца нячэсаным зрэб’ем дарогі на шпулі калёс. Жаўцее на ўзлессі галлё, звіняць журавы ў паднеб’і, сумуюць (...) |