Ніва № 02 (3374), 10 студзеня 2021 г.
Чаго хочацца беларусамУладзімір ХІЛЬМАНОВІЧУ Новы год зазвычай у людзей з’яўляюцца новыя жаданні. Часам, аднак, дамінуюць і старыя, якія пакуль не здзейсніліся. Мяркую, менавіта з такімі надзеямі беларусы перайшлі з драматычнага 2020 у невядомы 2021 год. Дык чаго хочацца беларусам у Новым годзе? Хочацца, каб урэшце мінула праклятая эпідэмія знішчальнага каранавіруса. Хочацца не хварэць і не губляць блізкіх нам людзей. Хочацца, каб беларуская мірная рэвалюцыя дасягнула свайго галоўнага выніку — рэальных перамен у краіне. Хочацца, каб усходні сусед урэшце пакінуў нас у спакоі і не лез са сваёй „дапамогай”. Хочацца, каб скончыўся тэрор супраць беларускага народа. Хочацца, каб людзі, якія ажыццяўляюць гэты тэрор, зразумелі, што яны чужыя на гэтай зямлі. Хочацца, каб „муры рухнулі” і пачалася адбудова занядбанай дзяржавы. Хочацца, каб з турмаў выйшлі ўсе, каго незаконна зняволілі толькі за іх перакананні і жаданне быць вольнымі. Хочацца, каб дадому вярнуліся ўсе, хто быў змушаны пакінуць радзіму, эміграваць не па сваёй волі. Хочацца, каб у краіне аднавілася прававое поле і заканадаўства стала рэальна абараняць людзей ад гвалту. Хочацца, каб судзейскія мантыі апранулі людзі, якія будуць кіравацца выключна законамі і справядлівасцю. Хочацца, каб наш нацыянальны бел-чырвона-белы сцяг зноў залунаў над дзяржаўнымі будынкамі. Хочацца, каб у дзяржаве з’явіліся (...) |