Ніва № 51 (3371), 20 снежня 2020 г.
Нямецкія парадкі (ч. 21)Мікалай ПАНФІЛЮКУ зале тафіляне занялі першыя месцы блізка нямецкага агранома, які кулямёт паставіў на стале побач сябе. Яны лічылі сябе намнога лепшымі гаспадарамі ад дубічлян, бо і іх вёска не згарэла і зямля намнога лепшая ад нашай. Ну, а нашы мужыкі на гэтым сходзе дзесьці там ззаду каля дзвярэй стаўкліся гуртком і слухалі парады новай улады. І ён казаў сваю навуку і то на добрай польскай мове. Са слоў: «Дык гэта не мы, немцы, вас знішчаем, а толькі вы самі сябе знішчаеце; бо мы з сабою сваіх сабак не прывезлі, а вы, на жаль, іх маеце багата» даў ён ясна да зразумення, што гэта даносчыкі з’яўляюцца гэтымі сабакамі. На шчасце ў нас у той час гэтай заразы амаль не было. Далей давай гаварыць, што слаба нашы сяляне спраўляюцца са сваімі кантынгентамі, то ёсць пастаўкамі збожжа, жывіны, малака для новай акупацыйнай улады і спытаў аднаго тафілаўскага жыхара з першага рада: «Колькі ты аддаў для немцаў сваіх абавязковых прадуктаў?» Той штосьці сказаў, на колькі ён «узбагаціў» немцаў. І тут пачалося. Нямецкі аграном крыкнуў: «То ты яшчэ жывеш?» і давай валіць проста з мосту для ўсіх. «Ведайце аднак, што вы ўсе тут прысутны і не толькі вы, а цэлы славянскі род, немцам вы цалкам непатрэбныя, а толькі зямля на якой вы пражываеце — гэта толькі нам патрэбна і нам хопіць толькі дзесяць гаспадынаў (відаць, гэтае старапольскае слова), і то вельмі добрых у вёсцы, а рэшта за стадолу і бэнц». І крыкнуў: «Лічу да трох і каб вашага (...) |