Ніва № 48 (3368), 29 лістапада 2020 г.
Восеньскі блюзАндрэй СЦЕПАНЮКЗа акном брутальная восень. Яшчэ не так даўно чакаў яе з захапленнем, паколькі давала такі патрэбны для існавання жоўты смутак. А цяпер... дождж цяпкае і выклікае больш раздражненне, чым непаўторны настрой. Усё ж такі падзеі так у Польшчы, як і асабліва ў Беларусі, сарвалі апошнюю маску неўміручай надзеі. Ад нядаўніх Дзядоў у галаве свідруюць словы Анатоля Сыса ... Адпусціце мяне, Курапаты, нават з куляю ў галаве, да дзяцей, да жаны, да хаты. Як там бацькаўшчына жыве? Як там сад мой? Абрыдлі сосны, нават камень не ўлежыць ніц. Я вярнуся, такі ўжо лёс мой ― плакаць жвірам з пустых вачніц. Адпусціце мяне да хаты. Як жа так ― прапусціць сяўбу? Я ж да смертухны быў аратым, я ж прашуся не на гульбу. А ў залог вам пакіну кулю, і ― дадому, у Журавы! Зайду ў двор, абдыму матулю, пацалую, нібы жывы. Анатоль Сыс, Адпусціце мяне Курапаты Калі ў пачатку дзевяностых мінулага стагоддзя (гучыць гэта амаль як ― а было гэта сто гадоў таму назад) Ігар Марачкін завёз мяне і Славаміра Іванюка ў курапацкае месца незлічоных магіл, пэўна і не падумалася, што ў 2020 годзе ізноў пойдзе гаворка пра беларускі генацыд. Зверства, з якім парабкі бандыцкага рэжыму адносяцца да ўсё ж такі свайго народа, выклікае жах і небывалае незразуменне. Але што цікава, не ва ўсіх... У маім Бельску, у дарозе на (...) |