Ніва № 41 (3361), 11 кастрычніка 2020 г.
Музыка плыве з майго сэрцаЮрка БУЙНЮКЗ Пятром Кожанам — гарманістам, мультыінструменталістам, аранжыроўшчыкам, а таксама лідарам і вакалістам беларускага гурта «Вегас» з Супрасля размаўляе Юрка Буйнюк. Юрка Буйнюк: — Скажы як пачалася Твая прыгода з музыкай? Пётр Кожан: — Усё пачалося з майго бацькі, які быў лідарам гурта «Завыкі». Бацькаў гурт іграў беларускія, украінскія, рускія і польскія песні. Я змалку прывыкаў да нашай беларускай музыкі, таму што мой тата генетычна перадаў мне зацікаўленне музыкай і беларуская музыка ёсць ува мне. — У якім годзе паўстаў гурт «Вегас» і хто быў у першым складзе гэтай групы? — Гурт «Вегас» паўстаў у 2003 годзе і ў першым складзе быў я, Пётр Кожан, як вакаліст і аранжыроўшчык, быў мой дваюрадны брат Рафал Кандрацюк і наш сябра Адам, а таксама Павел Волчык. — Пасля Адам стварыў іншы калектыў (гурт «Соляр» — Ю. Б.)? — Так. — У 2007 годзе з’явіўся ваш дэбютны альбом «Пагадай». — Мы кампакт-дыск «Пагадай» поўнасцю зрабілі самі. Там змясцілі самыя папулярныя беларускія песні тыпу «Вяне рута», «Чараўніца», «Беларусачка» ды іншыя. У маёй студыі я рабіў аранжыроўкі ды запісваў вакал. Мае знаёмыя фатографы зрабілі нам фотасесію на вокладку альбома. Мы самі зрабілі ўсю вокладку і графіку кампакт-дыска. Тыраж кампакт-дыска быў толькі 200 экземпляраў. На пачатку была ў нас такая ідэя, каб альбом раздаваць у рамках прамоцыі без аніякай фінансавай карысці, але мы сваю (...) |