Ці бяспечныя атамныя электрастанцыі?

Аляксей МАРОЗ

Калі вясной 1986 года здарылася магутная аварыя на атамнай электрастанцыі каля Чарнобыля, такі спосаб прадукцыі электраэнергіі жыхары Беласточчыны сталі лічыць вельмі небяспечным. Тады хмара з моцным радыяцыйным забруджаннем перасоўвалася над нашым ваяводствам, непасрэдна пашкодзіла здароўю мясцовага насельніцтва. Радыяцыйнае забруджанне таксама ўпала на сельскагаспадарчую прадукцыю і ўвайшло глыбей у глебу. Самае вялікае радыяцыйнае забруджанне было тады на поўдні Беларусі і там з вялікай зоны было цалкам выселена насельніцтва. Зараз, калі ў ліпені гэтага года мае быць запушчаны першы энергаблок Беларускай атамнай электрастанцыі ў Астраўцы Гродзенскай вобласці, паявіліся апаскі ў самой Беларусі і суседніх краінах. Людзі пытаюць: ці БелАЭС будзе бяспечнай? У Польшчы прадаўжаецца дыскусія, ці будаваць атамную электрастанцыю ў якасці альтэрнатыўнай крыніцы электраэнергіі, паколькі ў перспектыве прадбачваецца абмежаванне дзейнасці электрастанцый, у якіх палівам для прадукцыі энергіі служыць вугаль.

Чарнобыльская аварыя шакіравала свет

Нядаўна ў Кіеве Архівам Службы бяспекі Украіны і Украінскім інстытутам нацыянальнай памяці былі апублікаваныя чарговыя дакументы «Чарнобыльскага архіва КДБ». Можна з іх даведацца, што ў час самой будовы Чарнобыльскай АЭС былі дапушчаны няправільнасці, а ўжо ў 1971-1981 гадах здарылася 29 аварый невялікага маштабу. Аднак 26 красавіка 1986 года здарылася магутная (...)