Ніва № 26 (3346), 28 чэрвеня 2020 г.

Гарачае лета

Яўген ВАПА

Астранамічнае і палітычнае лета загасцявала ў польска-беларускай прасторы. Апошні тыдзень прэзідэнцкай, выбарчай гонкі ў Польшчы прыносіць сапраўдную ліхаманку галоўных байцоў гэтага змагання. Тэмпература ўнутрыпольскай барацьбы вакол нас расце вокамгненна і страх падумаць, што пасля першага туру 28 чэрвеня, будзе мець месца другі — 12 ліпеня гэтага года. Менавіта на праваслаўных Пятра і Паўла прадбачваецца канчатковая развязка змагання за прэзідэнцтва ў Польшчы. Калі гляджу на карцінкі як кандыдаты сустракаюцца са сваімі выбаршчыкамі і гэтыя спатканні не маюць абсалютна нічога з абавязваючымі зараз масавыя мерапрыемствы каранавіруснымі абмежаваннямі, дык сабе думаю: „А на хрэн дагэтуль тыя ўсе законы, перасцярогі?” Хіба толькі на тое, каб яшчэ больш зняверыцца да ўсялякай палітыкі. Таму незалежна ад пары года за палітыкай цягнецца заўсёды смурод. І нават найпрыгажэйшыя словы-парфумы, ці карціны-пудры не прыхаваюць паступаючага гнілля гэтай сферы чалавечай актыўнасці. Вядома, людзі, часта заціснуўшы зубы, ідуць і ўкідваюць свой голас у выбарчую скрынку заўсёды з надзеяй на лепшую будучыню для сябе і дзяржавы. Нягледзячы на эпідэміялагічную сітуацыю, раскалыханае польскае грамадства пойдзе на ўчасткі для галасавання. Ці выбарчыя падзелы і нянавісць суцішацца пасля абрання прэзідэнта? Хацелася б верыць.

Значна большая грамадская бяда адбываецца на нашых вачах у Рэспубліцы Беларусь. Там ніхто, апрача прыўладнай вертыкалі, (...)


поўны тэкст артыкула ў друкаваным варыянце газеты або праз тыдзень у архіўным выпуску Нівы.PDF