Беласток у час каранавіруса

Уршуля ШУБЗДА

Сапраўды — каранавіруса не відаць простым вокам, аднак вельмі ярка відаць як змянілася жыццё жыхароў Беластока ў сувязі з барацьбой з эпідэміяй. Цэнтр горада бязлюдны. Да 19 красавіка, значыць да праваслаўнага Вялікадня, польскі ўрад прадоўжыў абмежаванні, каб не дапусціць распаўсюджання эпідэміі каранавіруса. Дзейныя правілы не дазваляюць на прысутнасць у велікодных багаслужбах, якія для многіх з’яўляліся неад’емнай часткай перажывання таямніцы Уваскрэсення Гасподняга.

Школы, дзіцячыя садкі, універсітэты, кінатэатры і тэатры зачынены. Улады заклікаюць жыхароў не выходзіць з дамоў без выразнай неабходнасці. Чэргі стаяць перад прадуктовымі крамамі і аптэкамі. Мыйныя сродкі хутка знікаюць з паліц. Прэм’ер-міністр Матэвуш Маравецкі падкрэсліў падчас прэс-канферэнцыі, якая прайшла 9 красавіка, што неабходна падоўжыць абмежаванні звязаныя з эпідэміяй. Кіраўнік урада абвясціў, што да 19 красавіка ўсе ранейшыя забароны, якія маюць на мэце процістаяць каранавіруснай інфекцыі, будуць далей дзейнічаць. Закрыццё школ і прыпыненне паветранага руху працягваецца да 26 красавіка, а закрыццё межаў — да 3 мая. З чацвярга 16 красавіка, — паведаміў міністр аховы здароўя, — з’явіцца абавязак закрываць нос і рот у грамадскай прасторы. Дзеля гэтага грамадзяне павінны насіць маскі, але могуць таксама засланяцца шалікам ці хустай. Пакупнікі абавязаныя насіць аднаразовыя пластыкавыя пальчаткі, якіх на жаль, зараз больш па вуліцах (...)