Орля ў вачах солтыса

Міхал МІНЦЭВІЧ

Размова з Маркам ХМЯЛЕЎСКІМ, солтысам, радным і грамадскім дзеячам.

— У час нашай размовы ў 2016 годзе Вы сказалі: „Пасля 16-й гадзіны Орля становіцца мястэчкам Твін-Пікс і калі падзьме вецер, то не хапае такіх краявідаў як цераз пустыню лятаюць круглыя кусты”. Які зараз краявід самой Орлі — лятаюць кусты?

— Яшчэ, на жаль, лятаюць, хаця трэба сказаць, што ўжо памаленьку ідзе да таго каб гэта не замірала. Раз: што зараз крамы даўжэй адкрыты, але гэта толькі таму, што хлопцы, „знаўцы” розных напояў яшчэ ўтрымліваюць рух у цэнтры Орлі; але гэта ў адмоўным значэнні. А восенню 2018 года паявіўся будынак Дома культуры, у якім з’явіўся новы персанал і новы шанс, задума на культуру, на тое, што мае адбывацца ў Орлі.

Але выкажу сваю пазіцыю — я зараз з’яўляюся радным Гміннай рады і адначасна солтысам Орлі. Гэта быццам узмацненне маёй пазіцыі адносна маіх задум наконт Орлі і што навокал павінна рабіцца, што хацелася б зрабіць.

Маем абраную салэцкую раду, якую я двойчы намагаўся сабраць. У параўнанні з папярэдняй радай цяпер іншыя людзі і іншая актыўнасць. Папярэднія былі больш актыўныя, хацелі ангажавацца, а цяпер быццам ахвотныя раіць дзядзечкі і аставацца збоку. Гэта такая складанасць і адказнасць звальваецца на мяне.

На канец дайшло адно звяно дэмакратыі, гэта салэцкі фонд, вялікая справа. Атрымалі байкаватую пульку грошай, 54 тысячы злотаў, якую самі можам размеркаваць на свае (...)