Ніва № 51 (3319), 22 снежня 2019 г.
Я адчуваю адказнасць за будучыню беларусаўГанна КАНДРАЦЮКЛюдміла Грыгарук нарадзілася ў вёсцы Кнаразы на Бельшчыне. Закончыла Эканамічны ліцэй у БельскуПадляшскім, пасля паступіла ў Варшаўскі ўніверсітэт, дзе закончыла беларускаю і рускую філалогіі. Працуе ў Пачатковай школе № 4 у Гайнаўцы. — Чаму Вы сталі настаўнікам беларускай мовы? — Так вырашыла жыццё. Першая мая прафесія — бухгалтарка, але я не ўяўляла сябе ў бюро. Мне хацелася вучыцца і я рашыла паступіць ва ўніверсітэт. Праз нейкі час, пасля заканчэння навукі, я не працавала. Пасля стала настаўніцай беларускай мовы і зараз, пасля многіх гадоў, магу сказаць, што вельмі люблю сваю працу, сваіх вучняў, сваю школу. — Хто для Вас ідэал настаўніка роднай мовы? — Я бачу многа настаўнікаў беларускай мовы, якія працуюць у карысць роднага. Першай асобай, з якой мне прыйшлося сутыкнуцца на пачатку маёй настаўніцкай практыкі, была спадарыня Тамара Русачык. Яе актыўнасць, ангажаванасць, вопыт былі для мяне штуршком для развіцця на ніве беларускасці. Другой асобай была і ёсць Наталля Герасімюк (хаця яна не настаўніца). Яе вынаходлівасць і любоў да беларускай культуры дапамаглі мне адкрыць духовы і матэрыяльны свет беларусаў. — Ці супрацоўнічаеце з настаўнікамі беларускай мовы ў іншых школах? Калі так, назавіце сваіх сяброў. — Перш-наперш супрацоўнічаю са сваёй сяброўкай са школы Беатай Кендысь. Цаню супрацоўніцтва з Валянцінай Андрасюк, Аннай Франкоўскай і (...) |