Ніва № 47 (3315), 24 лістапада 2019 г.
Калі быць настаўніцай, дык толькі беларускай мовы!Ганна КАНДРАЦЮКАнгеліна Масальская нарадзілася ў 1978 годзе ў Гайнаўцы. Закончыла Варшаўскі ўніверсітэт па спецыяльнасці беларуская і польская філалогія.10 гадоў працавала ў Беларускім музеі ў Гайнаўцы бібліятэкарам. У школе ў Белавежы працуе з 2013 года. Замужняя, мае двух сыноў. — Чаму Вы сталі настаўнікам беларускай мовы? — Настаўнікам я хацела стаць з самых дзіцячых гадоў. Беларускую мову я пачала вывучаць як родную, калі не памыляюся, у другім класе пачатковай школы ў Гайнаўцы. У старэйшых класах я чытала шмат беларускіх кніжак. І тады ўжо ведала, калі быць мне настаўніцай, дык толькі беларускай мовы. — Хто для Вас ідэал настаўніка роднай мовы? — Вялікае ўражанне несумненна пакінулі дзве асобы. У пачатковай школе ў свет роднага слова ўвяла мяне спадарыня Вольга Сянкевіч. У ліцэі вандроўку па родным суправаджаў спадар Васіль Сакоўскі. Гэта людзі, якія дыхаюць родным паветрам і ўмела перадаюць сваім вучням. — Ці супрацоўнічаеце з настаўнікамі беларускай мовы ў іншых школах? Калі так, назавіце сваіх сяброў. — Зразумела, супрацоўнічаю з Янкам Карчэўскім, Эвай Люндай, Бэатай Кендысь, Аннай Гжэсь. — Якія арганізацыі і ўстановы, паводле Вас, найбольш дапамагаюць? — Белавежскі асяродак культуры, АБ-БА, рэдакцыя «Нівы». — Ці ведзяце ў школе беларускія праекты для сваіх вучняў? Калі так, назавіце іх. — Праекты, якімі я займаюся (...) |