Ніва № 34 (3302), 25 жніўня 2019 г.
Жыровічы: аддыхацца ў святой цішыні (7)Ганна КАНДРАЦЮКПаэт Зніч сам сябе часта называе рыфмаром і гэта добрая падказка, калі ідзе пра мастацкае выяўленне. Ягоныя рыфмы наскрозь музычныя і эмацыйныя. Папраўдзе, гэта радкі для спеўнай чытанкі, з нябачным нотным запісам. Іншая справа — кантраверсіі, якія чытач знаходзіць у тэматычных і сэнсавых спалучэннях. Разам з праваслаўнай ідэалогіяй, заснаванай на традыцыі непадзельнай Святой Русі, шмат месца адведзена нацыянальнай ідэі Беларусі. Бел-чырвона-белы сцяг паэт параўноўвае да колераў плашчаніцы, а родную мову — да гаючай, святой крыніцы. Між ідэалагічнымі і дыдактычнымі творамі нечакана прабіваюцца лірыкі-малітвы, як верш пра зніканне Беларусі: ... па чым — начамі — сэрца баліць?... што дом мой — пусты і растурашчаны... што няма дзе галавы прытуліць — Госпаду... і... — Беларушчыне... Ці горкі роздум над недахопам веры, надзеі, любові, без якіх жыццё губляе сэнс: Школы і вёскі — пусцеюць... могілкі — жах!... — як растуць... ... на будучыню надзею — як — Беларусі — вярнуць?... Пэўную падказу на нестандартны, поўны ўнутраных супярэчнасцей і нечаканасцей творчы пераказ прыкмецім у біяграфіі паэта-манаха. * * * Нарадзіўся ён напрыканцы 1939 года напярэдадні айчынай вайны ў сям’і славутага скульптара Андрэя Бембеля. Мастацкая атмасфера дому праграмавала на творчы шлях. Спачатку захапіўся музыкай, закончыў (...) |