Ніва № 06 (3274), 10 лютага 2019 г.
А гурт «Лідар» надалей іграеЮрка БУЙНЮКБеластоцкі гурт «Лідар» — адзін з самых папулярных беларускіх гуртоў на Падляшшы. Хто ж не ведае такіх славутых песень як «Мне мама ціха гаварыла», «Перапёлка», «Раманс», «Іграй гітара». Іх песні пастаянна гучаць у канцэртах пажаданняў у эфіры Радыё Беласток і Радыё Рацыя. Песня «Вёсачка» стала гімнам усіх выхадцаў з вёскі, якія зараз жывуць у гарадах. Пра сучаснасць і мінулае гурта Юрка Буйнюк размаўляе з вакалістам групы «Лідар» Міраславам Кавальскім. Юрка Буйнюк: — Гурт «Лідар» паўстаў у 1996 годзе, але раней Вы выступалі пад назвай «Рэаль». Калі паўстаў гурт «Рэаль» і хто быў у яго складзе? Міраслаў Кавальскі: — Гурт «Рэаль» састаўлялі я, мае браты Ян і Чэслаў Кавальскія ды Янка Крынскі, які з намі іграў на гітары. — Колькі гурт «Рэаль» выпусціў аўдыякасет? — Дзве касеты. Першая касета не мела загалоўка, толькі ноткі на вокладцы. А на другой быў ужо здымак гурта і назва «Piosenki białoruskie». — Памятаю, што гурт «Рэаль» спяваў песню «Падары» — ковер на песню рускай спявачкі Марыны Жураўлёвай. — Так, калісьці перараблялі крышку, але не дзеля камерцыйных мэт, як зараз. Мы хацелі іграць штосьці іншае, чым старыя песні, але не так, што нехта з нас хацеў захапіць сабе гэтыя песні як свае. Запісвалі, што прыходзіла ў галаву, кажучы: «Ну, давайце тую». І так атрымлівалася. — А хто напісаў беларускі тэкст да песні «Падары»? — Добра не помню хто, (...) |