Ніва № 10 (3226), 11 сакавіка 2018 г.
Не верыць у беспарадакУля ШУБЗДАУласнік аграсядзібы, краязнаўца, мясцовы дзеяч. Сакольшчыну лічыць сваёй святой бацькаўшчынай. Яе гісторыя, гісторыя гэтай часткі Падляшша пастаянна яго здзіўляе і дае матывацыю для новых дзеянняў, якія часта сустракаюцца з неразуменнем з боку як грамадства, так і мясцовых улад. Яго аўтарытэты гэта папа Францішак і Уладзімір Пуцін. Аднак апошнімі гадамі найбольш энергіі прысвячае ўшанаванню тых, якіх ужо няма. Лех Крук за свае грошы, прысвячаючы свой час, парадкуе мясцовыя забытыя людзьмі некраполіі: яўрэйскі кіркут у Янаве і могільнік салдат Чырвонай Арміі ў Саколцы. «Ніва»: — Вы маеце таксама аграсядзібу? Лех Крук: — Маю. — А нехта ў Янаў прыязджае? Бываюць людзі, якім цікавы нашы ваколіцы? — О, ты сёння прыехала (смех). — Ну, так. Тады якіх атракцый магу чакаць? — А што хто любіць. Прырода. І ў Янаве можна знайсці цікавыя месцы, ведаючы яго гісторыю. А тут, на панадворку, планую яшчэ ў гэтым годзе зрабіць саўну. — У Вас напэўна можна добра з’есці. Сёння гусь на абед? — Так. Гэта гусь сваёй гадоўлі. Але я сам нічога не зрабіў бы, калі б мне не дапамагалі жанчыны з акалічных вёсак. А спечаная гусь традыцыйна, з бульбай і морквай. — Тоўстая тая гусь. Тлушч аж цячэ па блясе. — Але звярыны тлушч не шкодзіць. Ён здаровы з такой гусі. Можна многа з’есці. Для здароўя. — Веру. Вы здаровы і хапае Вам сілы, каб яшчэ нешта рабіць у якасці (...) |