Ніва № 21 (3184), 21 мая 2017 г.
Пра Стары замак нанаваУршуля ШУБЗДАСтары замак у Гродне — адзіны (за выключэннем размешчанага на суседнім пагорку Новага замка) захаваны каралеўскі замак на землях Беларусі. Цяпер у замку размяшчаецца Гродзенскі дзяржаўны гісторыкаархеалагічны музей. Пра планаваны рамонт Старога замка з дырэктарам ГДГАМ Юрыем Кітуркам размаўляе Уршуля Шубзда. Уршуля Шубзда: — Справа Старога замка выклікае шмат супярэчнасцей — ёсць праект рамонту, аднак некаторыя гісторыкі не пагаджаюцца на такі выгляд замка. Той, у сваю чаргу, апошнім разам быў рамантаваны, калі не памыляюся, пасля Другой сусветнай вайны... Дырэктар ГДГАМ Юры Кітурка: — Стары замак не быў рамантаваны гадоў восемдзесят. У савецкі час былі роблены нейкія работы — цэнтральнае ацяпленне, працягнулі асвятленне, але да лепшага стану яго прывялі расійскія вайскоўцы перад Першай сусветнай вайною. Можна сказаць, што замак увесь час рамантуецца. Калі браць яго гісторыю, самыя першыя стагоддзі — гэта дзядзінец, пра які амаль нічога невядома. Засталася ад яго толькі ніжняя царква ды астаткі нейкага церама. Пазнейшая вялікая перабудова — гэта рубеж XIV і ХV стагоддзяў, калі Вітаўт пабудаваў тут гатычны абарончы замак. І наступная яго перабудова, вельмі значная, зробленая ў часы Стэфана Баторыя архітэктарам Санці Гучы. Гэта была такая кардынальная перабудова, калі замак, ужо не поўнасцю абарончы, набывае рысы каралеўскай рэзідэнцыі. Менавіта Санці Гучы падняў архітэктуру замка на самы (...) |