Ніва № 47 (3158), 20 лістапада 2016 г.
Пажарнікі ў Арлянскай гмінеМіхал МІНЦЭВІЧШтогод гмінныя радныя атрымліваюць інфармацыю пра рэалізацыю задач па супрацьпажарнай ахове. Як паведаміла працаўніца Гміннай управы Кацярына Дабрачынская, на тэрыторыі Арлянскай гміны дзейнічае сем добраахвотных пажарных каманд; адна з іх, арлянская, уключана ў краёвую выратавальнатушыльную сістэму. У жніўні 2016 года заініцыяваны дзеянні па ўключэнні ў такую ж сістэму добраахвотнай пажарнай каманды ў Малінніках, якая сёлета атрымала новую выратавальнатушыльную машыну коштам каля трохсот сямідзесяці тысяч злотаў. Добраахвотная пажарная каманда з’яўляецца абмундзіраванай часцю, абсталяванай спецыяльнай апаратурай для змагання з пажарамі, стыхійнымі бедствамі ці іншымі мясцовымі пагрозамі. Да таго ж падтрымлівае разнародныя формы культурнаасветнай працы ды папулярызуе спартыўную дзейнасць. Кошт абсталявання, утрымання, абучэння і захавання боегатоўнасці пажарнікаў нясе гміна. Гміна таксама запэўнівае абмундзіраванне і страхаванне пажарнікаў ды кошт іх перыядычных медыцынскіх аглядаў. Зараз у Арлянскай гміне 136 актыўных пажарнікаў (у 2008 годзе было 145). Пры арлянскай камандзе паўстала жаночая дружына з васьмі асоб ды моладзевыя дзявочая і хлапечая каманды па дзесяць асоб кожная. У паасобных камандах Арлянскай гміны розныя лікі членаў: у Орлі 50 пажарнікаў, у Малінніках 28, у Рыгораўцах 11, у ВульцыВыганоўскай 8, у Градалях 10, у Рудутах 13 і ў Спічках 16. За перыяд з 1 жніўня мінулага года (...) |