Ніва № 44 (3155), 30 кастрычніка 2016 г.
Залатая гадзіна Тадэвуша ДарошкіІаанна ЧАБАНАрхідыяцэзіяльны архіў і музей у Беластоку запрашаюць на «Сентыментальнае падарожжа» з Тадэвушам Дарошкам, заўзятым фатографам, музыкам па прафесіі. Вялікі фармат, захапляльнанерэчаісныя колеры. Складаецца ўражанне, што гэта не здымкі, але карціны, намаляваныя шалёным ад шчасця альбо з яго недахопу мастаком. Жывасінія, жываружовыя, востра аранжавыя, характэрныя індусам, расіянам, халтурныя — паўночназаходнім беларусам. Адна, чыстая натура. Уяўленні нашых прынарваўскіх вёсак, сярод якіх Кожына, Канюкі, Целушкі, Козлікі, Соцы, Пухлы, ранішні туман над скітам у Адрынках. На адной з музейных сцен побач сябе тры зусім розныя сцяжыны: жываружовая, ласасёвая і цёмназялёная. Ландшафты, шчаўе, адзінокая, прыгожая лілія, знойдзеная пяць метраў ад хаты фатографа, партрэт разьбяра Уладзіміра Наумюка, дзяўчына з канём, кацяняткі. На вернісаж прыехалі нават жыхары фатаграфаваных вёсак. Распазнаюць свае гумны, сцяжыны. Пацвярджаюць, што ўсё гэта праўда, што гэты свет існуе. Дастаткова толькі адкрыць вочы і душу. — Упершыню бачу Вашы здымкі. Яны каляровыя, немагчыма казачныя, — звяртаюся да мастака Тадэвуша Дарошкі. — Гэта добра ці кепска? — Цяпер дазволены толькі чорны і белы колеры, барані Божа, ніякіх вясёлак. — Такім ёсць свет маіх мар яшчэ з дзяцінства. Гэта дакументацыя маёй уражлівасці, свет, які я бачу, якім хачу яго бачыць. З дапамогай здымкаў магу ім падзяліцца (...) |