Ніва № 44 (3155), 30 кастрычніка 2016 г.
Паэтычны вечар у ЛяўковеАляксандр ВЯРБІЦКІУ пятніцу, 7 кастрычніка, у стараляўкоўскай святліцы адбылася літаратурная вечарына, у час якой свае творы прэзентавалі мясцовыя творцы, з Нараўчанскай гміны, ды запрошаныя літаратары з Арлянскай гміны. Сабраных прывітала дырэктар Гміннага асяродка культуры ў Нараўцы Галена Рэент. Затым голас узяла дырэктар Гміннага асяродка культуры ў Орлі Анна Несцярук, прадстаўляючы сваю літаратурную дружыну ды зборнічак вершаў „Літаратурныя вечарыны” паэтаў з наваколля Орлі. У госці ў Ляўкова прыехала моцная арлянская літаратурная каманда: народжаная ў Вульцы Зося Сачко, Зоя Майстровіч з Рудут ды Уладзімір Сасна з Пашкоўшчыны. Мясцовых творцаў прадстаўлялі Вера Радзіванюк і ейны сын Аляксандр з Міхнаўкі, Галіна Бірыцкая з Плянты, Мікалай Варанецкі з Альхоўкі, Кастусь Целушэцкі з Новага Ляўкова ды Тадэвуш Кунцэвіч з Лешукоў. Паэты заселі за сталом, за якім былі развешаны ручнікі, вышытыя менавіта Галінай Бірыцкай. Першым запрэзентаваў свае вершы Уладзімір Сасна з Пашкоўшчыны. Ягоная паэзія цёпленька апісвае ўсе праявы нашага тутэйшага сялянскага жыцця. Пачаў ён выступленне традыцыйнымі пажаданнямі: Жывіце доўга і трудзіцесь, жыццём сваім ўсё весяліцесь. Сто гадоў дажыць жадаем; як перажывеце гэту сотню мы вам другую маем. Аставайцесь доўга ў пары і жывіце ў згодзе. І прыміце пажаданні ад Сасны Валодзі. Была, як гэта ў нашых класікаў завялося, і сціпленькая (...) |