Ніва № 38 (3149), 18 верасня 2016 г.
На фэсце ў ОрліМіхал МІНЦЭВІЧФэст пачаўся 28 жніўня каля гадзіны 15.30 песняй „Орля, Орля” ў сумесным выкананні калектываў „Арляне”, „Вэрвочкі”, „Фэрмата” і „1/3”. Вядучая фэст Марыёля Герман-Петручук сказала: — Паважаныя сябры! Прыгожым гімнам „Орля, Орля” распачаўся наш сённяшні фэст, сімпатычна названы Арлянскімі сустрэчамі з беларускім фальклорам. Сённяшні фэст з’яўляецца асаблівым мерапрыемствам, якое яднае людзей, яднае пакаленні і з’яўляецца выдатнай нагодай для прыемнага правядзення часу; вядома — з сябрамі ды знаёмымі. Перад вамі, шаноўная публіка, сёння выступленні аматарскіх калектываў з Беласточчыны ды гасцей з Беларусі, вынікі конкурсу на найпрыгажэйшую сядзібу ў Арлянскай гміне, каляровыя феерверкі, а для шчырых аматараў добрай гульні — спевы і танцы да позняй ночы. Першым выступіў калектыў „1/3” вучняў трох першых класаў пачатковага навучання, якія таксама актыўна працуюць у галіне беларускай культуры. Калектыў існуе з 2002 года, а апякуецца ім настаўніца Альжбета Цюлькевіч. Чарговым выступоўцам быў Уладзімір Сасна з Пашкоўшчыны, з аўтарскім вершам на прывітанне: На Арлянскай зямлі вас усіх шчыра вітаем, Усяго добрага жадаем: Ясных дзён, цяпла ў хаце — Дай Бог на другі год яшчэ даждаці. Няхай вас шчасце ўсё ўстрачае Там, дзе і яно бывае, Няхай весяліць душу і цела — Каб жыццё весела вам ляцела. Майце грошы на выдатак, Няхай будзе ўсё (...) |